dss jobber

Digitaliserings- og forvaltningsdepartementet (DFD)

Akersgata 59, 0180 Oslo, Hybridkontor

Om jobben

Stillingstittel

ASO, SRÅD - Rådgiver

Type ansettelse

Fast, heltid 100%

Arbeidsspråk

Norsk eller engelsk

Antall stillinger

1

Søk senest fredag 23. mai

Om stillinga

Digitaliserings- og forvaltningsdepartementet (DFD) søkjer ein ny medarbeidar til administrativ støtte for departementsråden og politisk leiing. Statsrådsseksjonen følgjer opp saksflyten mellom fagavdelingane i departementet og politisk leiing, Stortinget og statsministerens kontor. Du vil bli ein del av eit team på 3–4 medarbeidarar. Du vil ha tett kontakt med, og yte leiarstøtte og administrativ støtte til, statsråden/øvrig politisk leiing og departementets øvste leiing.

Du får jobbe med

Arbeidsoppgåvene vil mellom anna vere å

ha ansvar for departementsrådens kalender, koordinere avtalar, møter og invitasjonar
fasilitere møter og arrangement der departementsråden eller politisk leiing deltek
bestille og koordinere reiser
handtere fakturaer og føre reiserekningar
svare på e-post og telefonførespurnader til statsrådsseksjonen
bistå med løpande administrative oppgåver på kontoret, mellom anna klargjere dokument til regjeringskonferansar og statsråd på Slottet

Arbeidsoppgåvene vil variere og innebere tett kontakt internt med statsråden/øvrig politisk leiing, departementsråden, fagavdelingane og eksterne aktørar.

Vi søkjer deg som

For å kvalifisere for stillinga, må du ha

relevant utdanning, gjerne innan kontor/administrasjon/service eller liknande. Relevant erfaring kan kompensere for manglande formell utdanning.
erfaring frå liknande stilling i departementsfellesskapet
god formidlingsevne på norsk og engelsk, både skriftleg og munnleg
god digital kompetanse. Vi brukar mellom anna MS Office, Websak, Contempus og Teams

Personlege eigenskapar

Du vil vere ei viktig administrativ støtte og legge til rette for at administrativ og politisk leiing får gjort jobben sin på ein god måte. For å lukkast i stillinga må du difor vere godt organisert, nøyaktig og strukturert. Det er viktig at du evnar å prioritere mellom oppgåver, og at du trivst med ein hektisk, og til tider uforutsigbar, kvardag. Det er forventa at du bidrar på tvers i teamets oppgåveløysing og avlastar andre. Vidare er det viktig at du trivst med å yte service på høgt nivå, og har gode samarbeids- og kommunikasjonsevner.

Personleg eignaheit vil bli tillagt stor vekt.
Utdanning og erfaring må dokumenterast med CV, vitnemål og attestar.

Vi tilbyr
eit arbeidsfellesskap med dyktige kollegaer som er stolte av jobben sin
ein spennande jobb i eit sterk fagmiljø
DFD gir gode utviklingsmoglegheiter
lokala våre ligg sentralt i Oslo med kort veg til offentleg transport
gode forsikrings- og pensjonsordningar, med automatisk medlemskap i Statens pensjonskasse
fleksibel arbeidstid
sosiale, kulturelle og sportslege aktivitetar

Løn: Stilling blir lønt som rådgivar frå kr 650 000–700 000 per år. Lønnsplassering avheng av erfaring og kvalifikasjonar.

Tryggingsklarering: Tilsetjing skjer under føresetnad at søkjar blir tryggleiksklarert på nivå HEMMELEG. Les meir om tryggingsklarering på nettsidene til Nasjonalt tryggingsorgan.

Vi er opptekne av

Mangfold er ein styrke og gjer at vi kan løysa oppgåvene våre endå betre. Derfor ønskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetjing, hol i CV-en eller innvandrarbakgrunn, oppmodar vi deg som søkjar til å kryssa av i jobbsøkjarportalen. Er det kvalifiserte søkjarar, kallar vi inn minst éin i kvar gruppe til intervju, og får du jobben, legg vi til rette for deg om du treng det. Avkryssingane i jobbsøkjarportalen blir ikkje brukt til noko anna enn anonymisert statistikk som statlege verksemder rapporterer i årsrapportane sine.

Informasjon til deg som søkjer

Søknad med CV blir send elektronisk via link på denne sida.

DSs nyttar bakgrunnssjekk frå Semac i nokre av rekrutteringsprosessane våre. Bakgrunnssjekk blir utført etter samtykke, og inneber bla at me verifiserer CV og annan søknadsdokumentasjon i samband med tilsetjinga.

Vi gjer merksam på at opplysninga om at du er søkjar kan bli offentleggjort sjølv om du har bede om ikkje å bli ført opp på søkjarlista, jf. offentleglova § 25. Du vil bli informert før offentleggjeringa og få moglegheit til å trekkja søknaden.

Kontaktperson: For nærare opplysningar om stillinga kontakt ekspedisjonssjef Christoffer Sandvik Engelsøy tlf. 40 05 99 66 eller e-post Christoffer-Sandvik.Engelsoy@dfd.dep.no. Ved spørsmål om rekrutteringsprosessen kan du ta kontakt med rådgivar i DSS Tale Fredriksen på tlf. 90 84 37 73 eller e-post Tale.Fredriksen@dss.dep.no.

Kontaktperson for stillingen

Christoffer Sandvik Engelsøy

Ekspedisjonssjef

Christoffer-Sandvik.Engelsoy@dfd.dep.no

Om bedriften

Digitaliserings- og forvaltningsdepartementet har om lag 170 tilsette og er sekretariat for digitaliserings- og forvaltningsministeren. Departementet har ansvar for IT- og forvaltningspolitikk, elektronisk kommunikasjon, statleg arbeidsgivarpolitikk, statleg bygg- og eigedomsforvaltning, det administrative ansvaret for statsforvaltarane og arbeid med berekraftsmåla. Blant dei underliggjande etatane til departementet og verksemder er Digitaliseringsdirektoratet, Datatilsynet, Nasjonal kommunikasjonsmyndigheit (Nkom), Statsbygg, Tryggings- og serviceorganisasjonen til departementa (DSS), Departementenes digitaliseringsorganisasjon (DIO) og statsforvaltarane.

Avdeling for styring og organisasjon sørgjer for stabsfunksjonar for den politiske leiinga og departementsråden, utviklar styringssystem og fastset overordna retningslinjer for ei effektiv og samordna leiing av departementet. Avdelinga tek seg av administrative fellessaker og ser til at verksemda skjer innanfor gjeldande reglar og retningslinjer på det administrative området.

Sektor

Offentlig

Nettsted

https://www.regjeringen.no/no/dep/dfd/id810/

Annonsedata

Stillingsnummer

2937875

Hentet fra

jobbnorge

Referanse

10249686